Paisaxe de interese

SITUACIÓN

A capital deste concello, que é Sobrado, atópase situada a 41 km de Ourense e accedese pola C-531 Xinzo - A Cañiza. Nos seus 28,2 km existen 70 entidades de poboación.

Atravesado polos ríos Arnoia e Deva, o seu punto mais elevado é a Serra do Laboreiro (600/700m). No declive dos montes do Viso e Silva Oscura, cerca do río Deva, fórmase un val polo que baixa o río San Francisco, afluente do Deva.

 

DESCRICIÓN XEOGRÁFICA

O termo municipal localizase na xuntanza dos ríos Arnoia e Deva, de escasa altitude, que constitúe o apéndice setentrional da Serra do Loboreiro. Unha intensa erosión fluvial modelou un relevo suave de formas onduladas, que van ascendendo dende o norte, onde se localizan os 300 - 450 metros, cara o sector suroriental, onde están as maiores alturas na Serra da Moura (Marco das Cruces con 869 metros) que serve de límite con Quintela de Leirado.

Santuario

Vista panorámica

HISTORIA

A toponimia existente parece ser de orixe xermánico, aínda que os restos arqueolóxicos mais remotos fagan referencia a época romana.

A súa posición próxima a fronteira quixo que fose un lugar de paso importante entre o veciño de Portugal, o val do Miño e Celanova.

Por outra parte, ó igual que o resto da Comarca, o concello estivo ligado o mosteiro de San Salvador de Celanova, que exerceu xurisdicción na parroquia de Fustás. O resto do territorio formou parte dun señorío real do que, en 1214, Alfonso IX doou a catedral de Ourense a herdade de San Miguel de Gomesende.

ARTE E MONUMENTOS

Nosa Señora da Guía

Ten importancia como centro mariano que vai paralelo a decadencia como centro de peregrinación do Santuario de Nosa Señora do Val, nese mesmo concello.

A fachada esta ocupada na súa totalidade pola portada con pilastras clásicas, onde a estructura considerámola unha fachada de retablo. Na fachada un frontón con volutas inversas nos extremos, que se rematan con pináculos de bolas, da un aire aberto a fachada. Un primeiro corpo con dous vanos nos que van as campás, e rematando cun corpo dun só vano, situado no centro e coroado cunha cruz.

Os ábsides son rectangulares, coroados polos pináculos terminados en bolas, e cunha ventá cadrada que no interior está tapado por retablos.

Nosa Señora do Val de Poulo

É un santuario situado no monte dende onde podemos contempla-la beleza do val. O edificio non rematado segundo os proxectos orixinais o queda-los muros de peche a pouca altura, é barroco. Onde hoxe se levanta o santuario, houbo unha vella capela, da que hai restos de muros derrubados e fontes termais, ou baños, instalados ó redor da ermida.

Foi unha capela dependente da Igrexa de San Pedro de Poulo, inicio dun convento que por razóns non de todo coñecidas nunca chegou a construírse.

Chama a atención o seu dobre cimborrio, anterior e posterior, ambos octogonais, destacando en altura.

Ademais, o termo dispón de fermosos exemplos de arquitectura barroca como son as igrexas parroquiais do Pao, Poulo e Fustás. Do mesmo xeito, non debemos esquece-las antergas casas señoriais, como por exemplo as que hai en Guielas, Pombiñas e a de Pumar, en Sobrade.

A suxerente beleza paisaxística combina os perfiles ondulados da montaña, cubertos de mato e salpicados de carballeiras, cuns vales quebrados e encaixados dos ríos. Dende o Alto de Val, aprécianse unhas interesantes vistas panorámicas do val de Gomesende, así como dende a ermida de Santiago de Viñal, onde o horizonte abarca ata o val do río Miño. Da mesma maneira, existen posibilidades de practicar o sendeirismo, principalmente cara o sur montañoso.

Vista xeral

Santa María do Val

FESTAS E FEIRAS

As principais festas populares son as patronais, pero no medio delas resalta a romaría da Nosa Señora de A Guía, patrón dos emigrantes, a que acode numerosos devotos da Comarca e do norte de Portugal. Celébranse na festividade da Asunción, e polo tanto é unha festa móbil. Sole estar acompañada de danzas populares e grupos de gaiteiros do país, ademais de diversas bandas de música.

  • 17 de xaneiro, San Antón en Moreiras-Pao (Gomesende)
  • 10 de agosto, San Lourenzo en Dornelas-Fustás (Gomesende)
  • 31 de agosto A Purísima en Sobrado-Poulo (Gomesende)

TELÉFONOS DE INTERESE

GOMESENDE 988 48 50 00

 

 

 

 

 

 

 

 

 

 

 

 

 

 

 

 

 

 

Gomesende

Galeria de Fotos
A Merca
A Bola
Cartelle
Celanova
Gomesende
Padrenda
Pontedeva
Quintela de Leirado
Ramiras
Verea

 

Gomesende Padron 98
Gomesende Padron 96